Nëpërmjet faqes http://www.scuolatirana.com ju mund të kryeni pagesa online për shërbimet e certifikimit PLIDA. Ketu ju mund të paguani për provimin e plotë PLIDA, për një ose disa aftësi (provimi i pjesshëm) si dhe te rezervoni korigjimin e shpejtë.

 

TERMAT DHE KUSHTET E PËRGJITHSHME TË BLERJES DHE PËRDORIMIT 

1. HYRJE 

Ky dokument (së bashku me dokumentet e përmendura këtu) përcakton termat dhe kushtet e  përgjithshme që rregullojnë përdorimin e kësaj faqeje në internet (www.scuolatirana.com) dhe blerjen e  produkteve në të (më poshtë referuar si “Kushtet”). 

Ne ju këshillojmë të lexoni me kujdes Kushtet, Politikën tonë të “Cookies” dhe Politikën tonë të Privatësisë  (në vijim, së bashku, “Politikat e mbrojtjes së të dhënave”) përpara se të përdorni këtë faqe interneti. Kur përdorni këtë faqe interneti ose bëni një porosi në të, ju jeni të detyruar të respektoni këto Kushte dhe Politikat tona për Mbrojtjen e të Dhënave. Nëse nuk jeni dakord me Kushtet dhe me Politikat e Mbrojtjes së të Dhënave, mos e përdorni këtë faqe interneti.

Këto Kushte mund të ndryshohen. Është përgjegjësia juaj t’i lexoni ato në mënyrë periodike, pasi do të  jenë këto Kushte që do të zbatohen në kohën e përdorimit të faqes së internetit ose kur lidhni një kontratë  përkatëse (siç përcaktohet më tej).

Nëse keni ndonjë pyetje në lidhje me Kushtet ose Politikat e Mbrojtjes së të Dhënave, mund të na  kontaktoni përmes email-it në: info-al@scuolatirana.com, ose përmes numrit të kontaktit të shkollës 00355698615537.

Kontrata (siç përcaktohet më poshtë) mund të ekzekutohet, sipas dëshirës tuaj, në cilëndo gjuhë në të cilën Kushtet janë të disponueshme në këtë faqe interneti. 

2. DETAJET TONA 

Shitja e mallrave përmes kësaj faqeje interneti kryhet me emrin SCUOLA ITALIANA A TIRANA SHPK, një kompani Shqiptare me adresë të regjistruar në Rrugën Rauf Fico, Ndërtesa 11, Tiranë, me adresë e-mail info@scuolatirana.com. 

3. DETAJET TUAJA DHE VIZITAT TUAJA NË KËTË FAQE INTERNETI 

Informacioni ose detajet personale që ju na jepni do të përpunohen në përputhje me Politikat e Mbrojtjes  së të Dhënave. Kur përdorni këtë faqe interneti, ju pajtoheni me përpunimin e informacionit dhe detajeve  dhe deklaroni se të gjitha informacionet dhe detajet e dhëna janë të vërteta dhe korrespondojnë me  realitetin.

4. PËRDORIMI I FAQES SONË TË INTERNETIT 

Kur përdorni këtë faqe interneti dhe bëni një porosi përmes saj, ju pranoni të: 

i. Përdorni këtë faqe interneti për të bërë pyetje dhe vetëm porosi të vlefshme ligjërisht. ii. Mos bëni ndonjë porosi false ose mashtruese. Nëse konsiderohet në mënyrë të arsyeshme se është  bërë një porosi e këtij lloji, ne do të jemi të autorizuar ta anulojmë atë dhe të informojmë autoritetet kompetente.

iii. Na jepni adresën tuaj të postës elektronike, adresën postare dhe/ ose detajet e tjera të kontaktit me vërtetësi dhe saktësi. Ju gjithashtu pajtoheni që ne mund t’i përdorim këto informacione për t’ju kontaktuar në kontekstin e porosisë tuaj nëse është e nevojshme (shiko Politikën tonë të Privatësisë). Nëse nuk na jepni të gjitha informacionet që na duhen, nuk mund të bëni porosinë tuaj. 

Kur bëni një porosi në këtë faqe interneti, ju deklaroni se jeni mbi 18 vjeç dhe kualifikoheni ligjërisht për  të lidhur kontrata detyruese. 

5. DISPONUESHMËRIA E SHËRBIMIT 

Shërbimet e blera nëpërmjet kësaj faqeje ofrohen vetëm nga Shqipëria. 

6. ZYRTARIZIMI I KONTRATËS 

Për të bërë një porosi, duhet të ndiqni procedurën e blerjes në internet dhe të klikoni në “Autorizo  pagesën”. Pasi ta bëni këtë, ju do të merrni një email që konfirmon marrjen e porosisë tuaj (“Konfirmimi  i porosisë”). Do të informoheni me postë elektronike që porosia për shërbimin u pranua (“Pranimi i porosisë”).  Këto Kushte dhe Kontrata përbëjnë një marrëveshje me shkrim midis nesh. Një dëftesë elektronike me  detajet e porosisë tuaj gjithashtu do t’i bashkëlidhet Pranimit të Porosisë (“dëftesë elektronike”). 

7. MJETET TEKNIKE PËR TË KORRIGJUAR GABIMET 

Në rast se zbuloni se ka ndodhur një gabim gjatë futjes së të dhënave tuaja personale gjatë regjistrimit  tuaj si përdorues i kësaj faqeje në internet, ju mund t’i ndryshoni ato në seksionin “Llogaria ime”. 

Në çdo rast, ju do të jeni në gjendje të korrigjoni gabimet që lidhen me të dhënat personale të dhëna gjatë  procesit të blerjes duke kontaktuar adresën e emailit info@scuolatirana.com, si dhe duke ushtruar të drejtën e  korrigjimit, të parashikuar në Politikën tonë të Privatësisë. Kjo faqe interneti shfaq kuti konfirmimi në seksione të ndryshme të procesit të blerjes që nuk lejojnë që porosia të vazhdojë nëse informacioni në këto seksione nuk është dhënë i saktë. Gjithashtu, kjo faqe interneti ofron detaje për të gjitha shërbimet që keni shtuar në shportën tuaj gjatë procesit të blerjes, në mënyrë që përpara se të bëni pagesën, të mund  të ndryshoni detajet e porosisë tuaj. 

Nëse zbuloni një gabim në porosinë tuaj pas përfundimit të procesit të pagesës, duhet të kontaktoni  menjëherë Shërbimin tonë të Klientit, për të korrigjuar gabimin. 

8. DISPONUESHMËRIA E SHËRBIMEVE

Të gjitha porositë për shërbimet varen nga mundësia për t’i ofruar ato. Nëse do të krijohen vështirësi për ofrimin e një shërbimi ne rezervojmë të drejtën t’ju ofrojmë informacione për shërbimet zëvendësuese të së njëjtës cilësi ose vlerë,  ose dhe më të lartë, që mund të porosisni. Nëse nuk dëshironi të porosisni shërbime zëvendësuese, ne  do të rimbursojmë çdo shumë që mund të keni paguar pa asnjë kosto shtesë për ju. 

9. REFUZIMI PËR PËRPUNIMIN E POROSISË 

Ne rezervojmë të drejtën për të hequr çdo produkt nga kjo faqe interneti në çdo kohë dhe për të hequr ose ndryshuar çdo material ose përmbajtje nga e njëjta faqe. Edhe pse ne gjithmonë do të bëjmë gjithçka të mundshme për të përpunuar të gjitha porositë, mund të ketë rrethana të jashtëzakonshme që na  detyrojnë të refuzojmë të përpunojmë një porosi pasi të kemi dërguar Konfirmimin e porosisë. Ne rezervojmë të drejtën ta bëjmë këtë në çdo kohë. 

Ne nuk do të mbajmë përgjegjësi ndaj jush ose ndaj ndonjë pale të tretë për heqjen e ndonjë produkti nga kjo faqe interneti, ose për heqjen ose ndryshimin e ndonjë materiali ose përmbajtjeje nga faqja e internetit  ose mospërpunimi i një porosie pasi të kemi dërguar Konfirmimin e Porosisë. 

10. DHËNIA E SHËRBIMEVE 

Pavarësisht nga Neni 8 i mësipërm në lidhje me disponueshmërinë e shërbimeve dhe përveç rrethanave  të jashtëzakonshme, ne do të përpiqemi t’jua japim shërbimin e kërkuar nga ju në kornizën kohore të parashikuar.

Megjithatë, mund të krijohen vonesa që shkaktojnë moskryerjen e shërbimit në datën e parashikuar.

Nëse për ndonjë arsye ne nuk jemi në gjendje të respektojmë datën e dhënies së shërbimit, ne do t’ju informojmë  për atë situatë dhe do t’ju japim mundësinë për të prenotuar shërbimin në një datë tjeter, brenda mundësive të kalendarizimit të shërbimeve, duke caktuar një datë të re ose anulluar porosinë me rimbursimin e plotë të shumës së paguar.

11. PAMUNDËSIA PËR TË MARRË SHËRBIMIN 

Nëse është e pamundur për ju të paraqiteni për të marrë shërbimin në datën e caktuar, shuma e derdhur nuk ju kthehet dhe nuk mund të përdoret për të porositur një shërbim tjetër.

12. ÇMIMI DHE PAGESA 

Çmimi i produkteve do të jetë siç përcaktohet në çdo kohë në faqen tonë të internetit, përveç në rast të  ndonjë gabimi të dukshëm. Edhe pse bëjmë çdo përpjekje për të siguruar që çmimet e paraqitura në faqen  e internetit të jenë të sakta, mund të ndodhin gabime. Nëse zbulojmë ndonjë gabim në çmimin e ndonjë  prej produkteve që keni porositur, ne do t’ju informojmë sa më shpejt të jetë e mundur dhe do t’ju japim  mundësinë të konfirmoni porosinë tuaj në çmimin e saktë ose ta anulloni atë. Nëse nuk jemi në gjendje  t’ju kontaktojmë, porosia do të konsiderohet e anulluar dhe të gjitha shumat e paguara do t’ju  rimbursohen plotësisht. 

Ne nuk jemi të detyruar t’ju sigurojmë ndonjë produkt me çmimin e ulur gabimisht nëse gabimi në çmim është i dukshëm dhe i padyshimtë, e që mund të ishte  pranuar në mënyrë të arsyeshme nga ana juaj si një çmim i pasaktë. 

Çmimet në faqen e internetit përfshijnë gjithë detyrimet ekonomike të lidhura me shërbimet e porositura, ju nuk do t’ju kërkohet në asnjë rast pagesë shtesë për shërbimet e paguara nëpërmjet internetit. Çmimet mund të ndryshojnë në çdo kohë. Sidoqoftë, përveç sa përcaktohet më lart, ndryshimet nuk do  të ndikojnë në porositë për të cilat kemi dërguar një Konfirmim Porosie. 

Pasi të keni zgjedhur të gjithë artikujt që dëshironi të blini, ata do të shtohen në shportën tuaj. Hapi tjetër  do të jetë përpunimi i porosisë dhe pagesa. Për këtë qëllim, duhet të ndiqni hapat e përpunimit të blerjes,  duke treguar ose verifikuar informacionin e kërkuar në secilin hap. Për më tepër, gjatë gjithë procesit të  blerjes, përpara pagesës, ju mund të ndryshoni detajet e porosisë tuaj. Gjithashtu, nëse jeni një përdorues i  regjistruar, në zonën “Llogaria ime” mund të gjeni një historik të të gjitha porosive të bëra nga ju. 

Ju mund të përdorni, si metodë pagese, kartat e pranuara nga banka që proceson pagesën për llogari të SCUOLA ITALIANA A TIRANA SHPK. 

Kur klikoni në “Autorizo pagesën”, ju jeni duke konfirmuar që karta e kreditit është e juaja. 

Kartat e kreditit i nënshtrohen verifikimit dhe autorizimit nga subjekti lëshues i tyre. Nëse subjekti nuk e  autorizon pagesën, ne nuk do të jemi përgjegjës për ndonjë vonesë ose mosdorëzim dhe ne nuk do të  jemi në gjendje të lidhim Kontratë me ju.

13. POLITIKA E KTHIMIT 

13.1 E drejta ligjore e tërheqjes 

E drejta e tërheqjes 

Nëse po hyni në kontratë si konsumator, ju keni të drejtë të tërhiqeni nga kontrata pa penalizim dhe pa dhënë asnjë arsye, brenda një afati prej 14 ditësh kalendarike, duke filluar nga dita e lidhjes së kontratës për ofrimin e shërbimit. Mundësia për tërheqjen nga kontrata i ofrohet gjithë përdoruesve që lidhin kontratë 30 ose më shumë ditë nga fillimi i shërbimit dhe gjithsesi kjo e drejtë nuk mund të ushtrohet në rastet kur shërbimi ka filluar të jepet.

Për të ushtruar të drejtën e tërheqjes, ju mund të na njoftoni në adresën SCUOLA ITALIANA A TIRANA SHPK, Rruga Rauf Fico, Nd. 11, 1022 Tiranë, Shqipëri , ose duke dërguar një email në info@scuolatirana.com mbi vendimin tuaj për t’u tërhequr  nga kjo kontratë me një deklaratë të qartë (shembull: letër e dërguar me postë ose me email). Ju mund  të përdorni formularin model të tërheqjes siç përcaktohet në Shtojcë, por nuk është i detyrueshëm.

Për të respektuar afatin e tërheqjes, është e mjaftueshme që ju të bëni komunikimin tuaj në lidhje me  ushtrimin tuaj të së drejtës për tërheqje para se të skadojë afati i tërheqjes.

Efektet e tërheqjes 

Nëse vendosni të tërhiqeni nga kjo Kontratë, ne do t’ju kthejmë të gjitha pagesat e marra nga ju, pa asnjë vonesë, dhe në çdo rast, brenda 14 ditëve nga data e ndërprerjes së kësaj Kontrate. Ju do të bartni gjithë shpenzimet bankare për kryerjen e transaksioneve. Ne do të bëjmë rimbursimin e shumave duke përdorur të njëjtat mjete pagese që keni përdorur për transaksionin fillestar, përveç rasteve kur keni rënë dakord shprehimisht ndryshe. 

Duke lidhur marrëveshjen e blerjes, në përputhje me këto Kushte, dhe duke pranuar këto Kushte, ju  pranoni këtë mënyrë rimbursimi në rast tërheqjeje. 

13.2 Dispozitat e përgjithshme 

Ju nuk do të keni të drejtë të tërhiqeni nga Kontrata kur në rastet e mëposhtme:

i. Keni porositur korigjimin e shpejtë.

ii. Jeni regjistruar me pak se 30 ditë nga fillimi i shërbimit.

Në çdo rast, asgjë në këtë nen nuk do të ndikojë të drejtat tuaja ligjore. 

Nëse keni ndonjë pyetje, mund të na kontaktoni përmes email-it ose përmes telefonit.

14. PËRGJEGJËSIA DHE HEQJA DORE NGA PERGJEGJESIA, TË DREJTAT LIGJORE TË KONSUMATORIT 

Nëse nuk përcaktohet ndryshe në këto Kushte, përgjegjësia jonë për cilindo shërbim të ofruar në faqen  tonë të internetit do të kufizohet rreptësisht në çmimin e blerjes së produktit në fjalë. 

Pavarësisht nga sa më sipër, përgjegjësia jonë nuk do të hiqet ose kufizohet në rastet në vijim: 

i. në rast të vdekjes ose dëmtimit personal të shkaktuar nga pakujdesia jonë; 

ii. në rast mashtrimi ose veprimeve mashtruese; ose 

iii. në çdo rast ku ishte e paligjshme ose e ndaluar që të përjashtosh, kufizosh ose të përpiqesh të  përjashtosh ose kufizosh përgjegjësinë tonë. 

Pavarësisht nga paragrafi i mësipërm, dhe në masën e lejuar me ligj, dhe nëse këto Kushte nuk  parashikojnë ndryshe, ne nuk do të pranojmë asnjë përgjegjësi për humbjet e mëposhtme, pavarësisht  origjinës së tyre: humbja e të ardhurave ose shitjeve; humbje operative; humbja e fitimeve ose kontratave; humbja e kursimeve të parashikuara; humbja e të dhënave; humbja e kohës së punës dhe menaxhimit; pasoja apo humbje ekonomike që lidhen nga ndryshimi i datave të shërbimeve të porositura apo anullimi i tyre; pasoja të shkaktuara nga vonesat në marrjen e përgjigjeve apo dokumentacionit për shërbimet e porositura; pasoja apo humbje të shkaktuara nga mospranimi nga palë të treta i shërbimeve të porositura.

Për shkak të natyrës së hapur të kësaj faqeje interneti dhe mundësinë e gabimeve në ruajtjen dhe  transmetimin e informacionit dixhital, ne nuk garantojmë saktësinë dhe sigurinë e informacionit të  transmetuar ose të marrë përmes kësaj faqeje interneti, përveç nëse tregohet ndryshe në këtë faqe  interneti.

Të gjitha përshkrimet e shërbimeve, informacionet dhe materialet e paraqitura në këtë faqe interneti janë 

dhënë “siç janë”, pa garanci të shprehura ose të nënkuptuara për të njëjtën gjë, përveç atyre të  përcaktuara me ligj. Në këtë kuptim, nëse po lidhni kontratë si konsumator ose përdorues, ne jemi të  detyruar të japim shërbime që janë në përputhje me Kontratën, dhe jemi përgjegjës ndaj jush për çdo mospërputhje që ekziston në kohën e dorëzimit. Kuptohet që shërbimet janë në përputhje me Kontratën  nëse ato: (i) përputhen me përshkrimin e dhënë nga ne dhe posedojnë cilësitë që kemi paraqitur në këtë  faqe të internetit; (ii) janë të përshtatshme për qëllimet për të cilat zakonisht përdoren shërbime të këtij lloji;  (iii) tregojnë cilësinë dhe performancën, të cilat janë normale për shërbimet e të njëjtit lloj dhe të pritshme  në mënyrë të arsyeshme. Në masën e lejuar me ligj, ne përjashtojmë të gjitha garancitë, përveç atyre që  nuk mund të përjashtohen në mënyrë të ligjshme. 

15. PRONA INTELEKTUALE 

Ju e pranoni dhe jeni dakord që të gjitha të drejtat e autorit, markat e regjistruara dhe të drejtat e tjera të  pronësisë intelektuale për të gjitha materialet ose përmbajtjet e dhëna si pjesë e faqes në internet, na  përkasin ne në çdo kohë ose atyre që na kanë dhënë licensën për përdorimin e tyre. Ju mund të përdorni  materialin në fjalë vetëm në masën që ne ose licencuesit e përdorimit autorizojmë shprehimisht. Kjo nuk  ju pengon të përdorni këtë faqe interneti në masën e nevojshme për të kopjuar informacionin për  porosinë tuaj ose detajet e kontaktit. 

16. LIDHJET NGA FAQJA JONË E INTERNETIT 

Nëse faqja jonë e internetit përmban lidhje me faqet e internetit të tjera dhe materiale të palëve të treta, lidhjet e përmendura janë dhënë vetëm për qëllime informacioni dhe ne nuk kemi asnjë kontroll mbi  përmbajtjen e atyre faqeve të internetit ose materialeve. Prandaj, ne nuk do të pranojmë asnjë përgjegjësi  për ndonjë dëmtim ose dëm që rrjedh nga përdorimi i tyre. 

17. KOMUNIKIMI ME SHKRIM 

Rregulloret në fuqi kërkojnë që disa nga informacionet ose njoftimet që ju dërgojmë juve të jenë me  shkrim. Duke përdorur këtë faqe interneti, ju pranoni që shumica e komunikimit me ne të jetë elektronike.  Ne do t’ju kontaktojmë me email ose do t’ju ofrojmë informacion duke dërguar njoftime në këtë faqe interneti. Për qëllime kontraktuale, ju pranoni të përdorni këtë mjet elektronik të komunikimit dhe  pranoni që të gjitha kontratat, njoftimet, informacionet dhe komunikimet e tjera që ju dërgojmë në mënyrë elektronike, përputhen me kërkesat ligjore të të ofruarit të tyre me shkrim. Kjo gjendje nuk do të  ndikojë në të drejtat tuaja ligjore.

18. NJOFTIMET 

Njoftimet që ju na dërgoni duhet të dërgohen mundësisht përmes përmes email-it në: info@scuolatirana.com. 

19. TRANSFERIMI I TË DREJTAVE DHE DETYRIMEVE 

Kontrata është detyruese për të dy Palët, si dhe për pasardhësit, marrësit dhe trashëgimtarët tanë  respektivë. 

Ju nuk mund të transmetoni, hiqni dorë, vendosni taksë ose në ndonjë mënyrë tjetër të transferoni një  Kontratë ose ndonjë nga të drejtat ose detyrimet që rrjedhin nga e njëjta gjë, pa marrë paraprakisht  pëlqimin tonë me shkrim.

Ne mund të transmetojmë, heqim dorë, të bëjmë një nënkontratë ose në çfarëdo mënyre të transferojmë  një Kontratë ose ndonjë prej të drejtave ose detyrimeve që rrjedhin nga e njëjta, në çdo kohë gjatë  kohëzgjatjes së Kontratës. Për të shmangur ndonjë dyshim, transmetimet e përmendura, heqjet dorë,  taksat e vendosura ose transferimet e tjera nuk do të ndikojnë në të drejtat që, sipas rastit, ju keni si një  konsumator të njohur me ligj ose të anulloni, zvogëloni ose kufizoni në çfarëdo mënyre garancitë e  shprehura dhe të heshtura që mund t’ju kemi dhënë. 

20. NGJARJET PËRTEJ KONTROLLIT TONË 

Ne nuk do të mbajmë përgjegjësi për ndonjë mosrespektim ose vonesë në përmbushje të ndonjë prej  detyrimeve që ne marrim sipas Kontratës kur shkaktohen nga ngjarje përtej kontrollit tonë të arsyeshëm  (“Forcë madhore”). 

Forca Madhore do të përfshijë çdo veprim, ngjarje, dështim për të ushtruar, mosveprim ose aksident që  është përtej kontrollit tonë të arsyeshëm, duke përfshirë, ndër të tjera, sa vijon: i. Grevë, bllokim apo forma të tjera proteste. 

ii. Trazira civile, revolta, pushtim, sulm terrorist ose kërcënim terrorist, lufta (e shpallur ose jo) ose  kërcënim apo përgatitje për luftë. 

iii. Zjarri, shpërthimi, stuhia, përmbytja, tërmeti, kolapsi, epidemia ose ndonjë fatkeqësi tjetër natyrore.  iv. Pamundësia për të përdorur trenat, anijet, avionët, transportin me mjete motorike ose mjete të tjera  të transportit, publike ose private.

v. Pamundësia për të përdorur sisteme telekomunikuese publike ose private. 

vi. Aktet, dekretet, legjislacioni, rregulloret ose kufizimet e çdo qeverie ose autoriteti publik. 

vii. Grevë, mosfunksionim ose aksident në transportin në det ose lumenj, transportin postar ose çdo lloj  transporti tjetër.

Do të kuptohet që detyrimet tona që rrjedhin nga Kontratat pezullohen gjatë periudhës që Forca Madhore është në fuqi dhe ne do të na jepet një zgjatje e periudhës për përmbushjen e këtyre detyrimeve në një  kohë të barabartë me kohëzgjatjen e situatës së Forcës Madhore. Ne do të sigurojmë të gjitha burimet e  arsyeshme për t’i dhënë fund situatës së Forcës Madhore ose për të gjetur një zgjidhje që na mundëson të përmbushim detyrimet tona në bazë të Kontratës, pavarësisht situatës së Forcës Madhore. 

21. ANULLIMI I PJESSHËM 

Nëse ndonjë prej këtyre Kushteve ose ndonjë dispozitë e Kontratës shpallet e pavlefshme dhe pa fuqi me  vendim nga autoriteti përkatës, afatet dhe kushtet e mbetura do të mbeten në fuqi pa u ndikuar nga  deklarata e anullimit në fjalë. 

22. KONTRATA E PLOTË 

Këto kushte dhe çdo dokument i referuar në të përbëjnë Kontratën e plotë midis Palëve në lidhje me  qëllimin e së njëjtës, duke zëvendësuar çdo pakt, marrëveshje ose premtim të mëparshëm të bërë midis  Palëve me gojë ose me shkrim. 

Palët pranojnë që ne kemi rënë dakord të hyjmë në Kontratë pa u varur në ndonjë deklaratë ose premtim  i bërë nga Pala tjetër, ose që mund të kishte rezultuar nga ndonjë deklaratë ose dokument në negociatat midis dy Palëve para kësaj Kontrate, përveç atyre të përmendura shprehimisht në këto Kushte. 

Asnjë Palë nuk do të ndërmarrë ndonjë veprim në lidhje me ndonjë deklaratë të pavërtetë të bërë nga Pala tjetër, me gojë ose me shkrim, përpara datës së Kontratës (përveç nëse deklarata e pavërtetë në fjalë  është bërë me qëllim mashtrimi). I vetmi veprim që mund të ndërmerret nga Pala tjetër do të jetë për  shkak të shkeljes së kontratës në përputhje me dispozitat e këtyre Kushteve.

23. E DREJTA JONË PËR TË NDRYSHUAR KUSHTET 

Në atë masë sa lejon ligji, ne kemi të drejtë t’i rishikojmë dhe modifikojmë këto Kushte në çdo kohë. Ju jeni subjekt ndaj politikave dhe Kushteve në fuqi në momentin kur përdorni këtë faqe interneti ose kur  bëni ndonjë porosi, përveç nëse ne, bazuar në ligj ose vendim të subjekteve qeveritare, na duhet të bëjmë ndryshime në mënyrë retroaktive në politikat e përmendura, Kushtet ose Politikën e Privatësisë. Në këtë  rast, ndryshimet e mundshme do të ndikojnë gjithashtu në porositë e bëra më parë nga ju. 

24. LEGJISLACIONI I ZBATUESHËM DHE JURISDIKSIONI 

Përdorimi i faqes sonë të internetit dhe kontratat e blerjes së produkteve përmes faqes në fjalë  rregullohen nga legjislacioni shqiptar, me përjashtimin të Konventës për shitjen ndërkombëtare të  mallrave, të ratifikuar me ligjin Nr. 10092, datë 09.03.2009. 

Çdo polemikë që lind ose ka të bëjë me përdorimin e faqes në internet ose kontratat e përmendura do t’i  nënshtrohet juridiksionit jo-ekskluziv të gjykatave shqiptare. 

Nëse jeni duke lidhur kontratë si konsumator, asgjë në këtë nen nuk do të ndikojë në të drejtat ligjore që  keni, ashtu siç njihen në çdo legjislacion të zbatueshëm në këtë fushë. 

25. KOMENTE DHE SUGJERIME 

Komentet dhe sugjerimet tuaja janë gjithmonë të mirëseardhura. Ju lutemi dërgoni ndonjë koment dhe  sugjerim përmes përmes email-it në: info@scuolatirana.com, ose përmes telefonit. 

Për më tepër, ekzistojnë formulare zyrtare kërkesash për konsumatorët dhe përdoruesit.

 

13/07/2023

SHTOJCË 

Forrmular model i tërheqjes 

(plotësojeni dhe kthejeni këtë formular vetëm nëse dëshironi të tërhiqeni nga kontrata) Adresa: Rruga “Rauf Fico, Ndërtesa 11, Tiranë, Shqipëri, që vepron nën emrin tregtar të SCUOLA ITALIANA A TIRANA SHPK: 

Me këtë, njoftoj se tërhiqem nga kontrata ime e shitjes së shërbimeve të mëposhtme:  

Porosia e bërë më (*) 

Emri i konsumatorit (*) 

Adresa e konsumatorit (*) 

Nënshkrimi i konsumatorit (vetëm për formularet në letër)  

Data (*) 

(*) Vendosni të dhënat tuaja